Kappi kakómjólk hentar vel.

Er með kröftugu súkkulaðibragði, djöfull góður. Líklega frjálsasti kakómjólkurdrykkurinn sem framleiddur er á Íslandi.

Kókómjólk besti orkudrykkurinn

Það er fallegt á Þingvöllum.

Og ekki bara murtur í vatninu. Ég er að mastera tæknina sem þarf að beita til þess að ná ,,alvöru" fiskum í þjóðgarðinum.

Hún felst aðallega í að sökkva og draga hægt. 

Göngutúr í Hnífsdal 27 júní.

Hnífsdalsá sker dalinn í tvennt. Á vorin og sumrin veiðast bleikjur í ánni og um haust ef heppni er með er hægt að komast í tæri við væna sjóbirtinga.

Ég veiddi mikið í ánni frá 5-6 ára aldri og fram yfir grunnskólaaldur. Oft veiddi ég mikið og illa, gráðugur gutti. Í dag fer ég einn til tvo göngutúra á ári meðfram ánni og drep aldrei meira en 2-3 bleikjur.

 Flugustöngin var ekki með þennan daginn vegna þess að lítið er af silungi snemma sumars og þessi túr ætlaður til heilsubótar fyrir sál og líkama.

Ég skokkaði greitt inn dalinn, eftir malarveginum og upp brekku að gamla vatnsbólinu . Þar þurfti ég að ná andanum og hélt síðan á hægu trimmi eftir lokuðum torfærum slóða að nýja vatnsbólinu (sjá mynd).  Vatnsbólin eru í dag ekki brúkuð sem slík, nú er drukkið afbragðs vatn sem spýtist úr Vestfjarðagöngunum. Gamla vatnsbólið er aftur á móti nýtt sem miðlunarlón fyrir virkjun sem landeigendur hafa reist til að framleiða rafmagn fyrir sumarhöll sína sem stendur tignarleg á fallegum stað.

 Lokamarkið var við fossa sem setja fallegan svip á dalinn. Þar prílaði ég, lagði mig og tók myndir. Leiðin heim tók lengri tíma en lítið þrek var til að skokka greitt. Kenni ég um sætabrauðsáti, frjókornum og hættulega heitri sól og golu.

 

 

Brúðkaup 16 júní 2007.

Þarna á miðri mynd má sjá einhvern rosalegasta brúðkaupskoss allra tíma fyrir framan altari drottins, Hallelúja.

þetta eru Arna og Guðni  og þau eru gift. Athöfnin í Dómkirkjunni var óaðfinnanleg með gleðitárum, sælubrosum og hæfum presti.

Veislan í kjölfarið var í anda hjónanna, fullt af mat og góðum vínum. Og súkkulaði, sem var ráðandi í einni bestu köku sem ég hef étið. Að sjálfsögðu endaði veislan með ekta gítarpartýi þar sem brúðguminn fór hamförum með hljóðnemann og söng sem aldrei fyrr.

 Til hamingju Arna, Guðni og fjölskylda með frábæran dag. Megi gæfa og gengi fylgja ykkur um ókomna tíð.

 

Gönguferð í Hnífsdal 12 júní 2007

  

Myndirnar hér að ofna eru teknar þegar ég er rétt hálfnaður á leið minni upp í Bakkahvilft. Útsýnið frábært og Hnífsdalurinn að skarta sínu fegursta. Á myndinni lengra til vinstri má sjá þoku læðast inn Djúpið hún náði þó aldrei landi og veðrið var frábært allan daginn. 

 

 Hér er Bakkahvlift sem  er ein af ,,skálunum'' fimm sem umlykja dalinn, hinar eru Miðhvilft, Fremstahvilft, Grjóthvilft og Lamabaskál. Ég heimsótti aðeins Bakkahvilft og Miðhvilft í þessum stutta göngutúr. Bakkahvilftin er afskaplega fögur eins og  útsýnið frá henni.

Þegar gengið er á milli Bakkahvilftar og Miðhvilftar er þetta fallega fell sem skilur á milli og er það nefnt Þórólfsgnúpur. Líklega eftir landnámsmanninum Þórólfi bræki en mér finnst ég eiga eitthvað í því.

Þarna er ég kominn innarlega í Miðhvilft og er hálfnakinn. Það var köld gola af norðri meðfram ströndum en hvilftarnar veittu gott skjól og sauð í þeim eins og potti. Ég setti m.a. snjókúlu á hausinn á mér til að koma ég veg fyrir að ég fengi sólsting og hitasjokk.

Í léttum dúr

 

Sykursnautt gos var innleitt á markaðinn til þess að svala þörf neytenda sem þráðu hressandi gosdrykki en vildu eða þoldu ekki sykur. Háværar raddir heyrast að þessir sykursnauðu gosdrykkir, sérstaklega þeir sem innihalda sætuefni séu varasamir. Fullyrðingar sem standast enga skoðun, samsæriskenningar og ósannindi hafa ómað svo lengi að hætt er við að hluti vitleysunnar verði tekið sem sannindum. Hér verður reynt að koma í veg fyrir það, öllum til heilla.

 

1.Sykursnautt gos veldur vökvasöfnun/bjúg í líkamanum.

Nei, það eru engar líkur á því að sykursnautt gos valdi með beinum hætti bjúgmyndun. Ef einstaklingur finnur fyrir bjúg í kjölfar neyslu á sykursnauðu gosi er líklegra að hann/hún hafi verið að græðga í sig söltum mat, snakki, kryddbjúgum, saltkjöti, ostum o.m.fl . Salt í óhófi veldur bjúg og salt er að finna víða og helst unnum matvælum. Það er hægt að sneiða fram hjá því og halda áfram að þamba Coke Zero eða Light.

 

2. Diet Coke og annað sykurlaust Coke er í raun jafn fitandi og venjulegt Coke, þetta er allt plat.

Nei, Sykurlaust Coke eða sykursnauðir gosdrykkir eru ekki fitandi. Líkaminn þarf orku til að starfa, matur er eldsneyti fyrir skrokkinn. Ef líkaminn fær meiri orku en hann nýtir til starfa þá geymir hann umfram orkuna sem fitu. Af því  leiðir að orkuríkur matur eins og bringukollar (392kkal/100g) eru meira fitandi en orkurýrt matvæli eins og hreðka (11kkal/100g). Algeng orkuþörf karlmanns er 2500 kkal og konu 2000 kkal á dag. Ef algengur karlmaður ætlar að fullnægja daglegri orkuþörf sinni með fullsætu Coca Cola þarf hann svo mikið sem 5,8 lítra af drykk og umfram það væri fitandi. Til að uppfylla daglegu orkuþörfina með Coke Zero sem er bragðgóður, hressandi og sykurlaus gosdrykkur þyrfti hann þamba þann daginn ríflega 83 þúsund lítra, allt umfram það væri fitandi. Þó skal tekið fram að best er að uppfylla orkuþörfina með fjölbreyttum og næringarríkum mat úr öllum fæðuflokkum.

 

3. Aspartam sem er í flestu sykurlausu gosi er eitrað og á ekki að vera á markaði.

Nei, Aspartam er ekki eitrað og ef svo væri, færi það strax af markaði. Til að tækla allar þær gróusögur sem vaða uppi um Aspartam þarf að skrifa mjög langa grein og því nenni ég ekki. Tökum það helsta: Aspartam er búið til úr fenýlalanín (50%), aspartínsýru (40%) og metanóli (10%). Metanól getur í nægjanlega miklu magni valdið ýmsum eitrunaráhrifum svo sem blindu og dauða. Það þarf ómanneskjulegt magn af sykursnauðu gosi til þess að eitrunaráhrif metanóls í aspartami komi fram. Til er ADI gildi eða daglegt neyslugildi, sem er viðmiðun fyrir því hversu mikið af ákveðnu efni má neyta á degi hverjum alla ævi án þess að skaði hljótist af. Og samkvæmt manneldisrannsóknum er meðalneysla á aspartami 6% af hámarks daglegu neyslugildi.

Ekki er hægt að fullyrða með vísindalegum rökum um tengsl milli heilaæxla og neyslu á aspartami, eða aspartams og krabbameins. Á síðasta ári sá Matvælaöryggisstofnun Evrópu ástæðu til þess að kanna og leggja mat á nýja langtíma rannsókn gerða af Ramizzi stofnuninni sem fékk niðurstöður þess efnis að aspartam gæti leitt til krabbameins. Niðurstaðan var sú að teknu tilliti til allra tiltækra upplýsinga að það væri bull og vitleysa. Og engin ástæða til endurskoða hámarks neyslugildi aspartams né efast um öryggi þess.

Þó ber að geta þess að þeir sem hafa sjaldgæfan efnaskiptasjúkdóm, fenýlketónúaríu, PKU verða takmarka neyslu á efninu og öllum matvælum sem innihalda fenýlalanín.

Auðvitað ræður hver og einn hvað hann drekkur, svona oftast. Ef menn vilja ekki drekka sykursnautt gos þá er það í góðu lagi svo lengi sem ástæðan er ekki, eitrað aspartam, bjúgmyndun eða óttinn við að fitna.

Ekki í Coca Cola

Þetta ágæta rotvarnarefni (E211) er ekki í hefðbundnu kóki en er í sykursnauðu útgáfunum. Það má líka finna efnið í sultum, sósum (nánast öllum majones og tómatsósum) og munnskoli. Er hentugt rotvarnarefni í súr matvæli.

Ég las fréttina á The Independent og fannst hún asnaleg.

Ný rannsókn: Rotvarnarefni í gosdrykkjum gæti haft skaðleg áhrif

Mafía, svindl og svínarí ? Eða hvað?

Dmitry Koldun syngur ,,Work your magic", ágætis popplag með grípandi upphafsstefi. Eiríkur Hauksson getur ekki verið ósáttur að láta í minni pokann fyrir hvítu tönnunum frá Hvíta Rússlandi, einfaldlega meira popp.

 Ef Koldun ætlar að vinna keppnina þarf hann enda lagið betur en hann gerði í gær. Það er erfitt að brosa mikið og syngja í senn, þá er hætt við því að vöðvar stífni, sérstaklega í andliti. En galdurinn er í gómnum hjá Dmitry og því verður hann að vera vel hvíldur og nærður, til að halda brosinu og lokatóninum. Topp 8.

  

Karólína frá Makedóníu er líkleg til þess að vinna  því lagið hennar Mojot Svet,eða ,, meiri sviti" er æðislega sexí, grípandi og flott. Hún þarf ekkert að gera nema mæta á sviðið mátulega klædd og syngja eins og hún er vön.

 Ég hefði ekki viljað skipta góðu graðhestarokki Eiríks og félaga fyrir framlag Makedóníu, meiri sviti Karólínu er betur þeginn. 1-3 sæti.

Það er aðeins búlgarska framlagið sem mér finnst slakara en það íslenska og hefði því mátt víkja fyrir þeim rauða. E-pillu trommu trans-dansinn var ekki að virka á sviðinu. Tyrkneska lagið er líka leiðinlegt, enginn alvöru krókur og hljómar dónalega.

 

Fleiri en Eiríkur ósáttir við svæðaskiptingu í Eurovision

Vonandi skilar þetta einhverju..

Flott ég skal flýta fyrir, nokkrar tillögur gerði ég fyrir löngu síðan og nefndin má brúka þær af vild, þær eru hér í gríni og alvöru : http://www.blog.central.is/linumadur?page=viewPage&id=840861.

Og nokkur heilræði fyrir höfunda:

1.      Stefnumótun skýr , styrkir einfaldir og gegnsæir

2.      Áhersla á að styrkja þróun og tækni

3.      Sýna aðferðafræði sem tryggir hagkvæmustu nýtingu fjármagns

4.      Lista  nákvæmlega þau opinberu störf sem heppilegt væri að flytja á svæðið.

 

Ríkisstjórn samþykkir að skipa nefnd vegna ástands atvinnumála á Vestfjörðum

Gagnrýni og fordómar

Það er eins og yfirvöld í Súdan taki gagnrýni og fordómum ekki sérlega nærri sér. Og ekki bara fordómum heldur dómum ICC eins og má sjá hér http://news.bbc.co.uk/1/hi/world/africa/6404467.stm.

Alþjóðasamfélagið verður að hafna þjóðernishreinsunum og viðbjóðslegu ofbeldi af hörku og ákefð. Það hefur verið gert áður og af minna tilefni.

Yfirvöld í Súdan fordæmd vegna ástandsins í Darfur